Тошкентдаги ЙТҲда Matiz ҳайдовчиси ҳалок бўлди

Тошкент, Ўзбекистон (UzDaily.uz) — Тошкент шаҳрининг Олмазор туманида 15 март куни эрталаб ўлим билан якунланган йўл-транспорт ҳодисаси содир бўлди.

ЙТҲ соат тахминан 05:00 атрофида Себзoр ва Нурафшон кўчалари кесишмасида юз бергани ҳақида Тошкент шаҳар ИИББ Йўл ҳаракати хавфсизлиги бошқармаси матбуот хизмати хабар қилди.

Дастлабки маълумотларга кўра, Chevrolet Lacetti ва Daewoo Matiz автомобиллари ўзаро тўқнашган. Йўл-транспорт ҳодисаси натижасида Matiz автомобили ҳайдовчиси оғир тан жароҳатлари олган ва шифохонада вафот этган.

Мазкур ҳолат юзасидан Ўзбекистон Республикаси Жиноят кодексининг 266-моддаси 2-қисми бўйича — транспорт воситаларидан фойдаланиш ёки ҳаракат хавфсизлиги қоидаларини бузиш, инсон ўлимига сабаб бўлган ҳолат бўйича жиноят иши қўзғатилган. Айни пайтда тергов ҳаракатлари олиб борилмоқда ва ҳодисанинг барча ҳолатлари аниқланмоқда.