Тошкент, Ўзбекистон (UzDaily.uz) — 2024 йил 4 декабрь куни соат 18:30 да Учтепа туманидаги Катта Ҳирмонтепа ва Лутфий кўчалари кесишмасида йўл-транспорт ҳодисаси содир бўлди.

1974 йилда туғилган ҳайдовчи К.З. бошқарувидаги BYD русумидаги автомобиль 1994 йилда туғилган ҳайдовчи Х.С. бошқарувидаги Damas автомобили билан тўқнашди.

Тўқнашув натижасида Damas бошқарувни йўқотиб, электр устунига урилди. Жабрланганлар йўқ.

Тошкент шаҳар ИИББ Йўл ҳаракати хавфсизлиги бошқармаси ҳодиса бўйича текширув ўтказмоқда.