Тошкент, Ўзбекистон (UzDaily.uz) — 15 февраль куни Тошкентда даҳшатли йўл-транспорт ҳодисаси содир бўлди. 19 ёшли Spark ҳайдовчиси она ва унинг икки фарзандини уриб кетди.

Ҳодиса Юнусобод туманидаги Амир Темур проспектида соат 20:15 атрофида рўй берган. Автомобил катта тезликда ҳаракатланаётгани сабабли ҳайдовчи пиёдаларни уриб юборган.

Расмий маълумотларга кўра, жабрланувчи аёл тез тиббий ёрдам муассасасига етказилган ва унга зарурий тиббий ёрдам кўрсатилган.

Фарзандлари ҳам жиддий жароҳат олган. Ўғли ўртача оғирликдаги жароҳатлар билан шифохонага ётқизилган. Қизи эса жуда оғир аҳволда, ички органларининг жиддий шикастлангани аниқланган. Она ҳам оғир жароҳатлар олган бўлиб, у ва унинг қизи ҳозирда реанимация бўлимида.

Айни пайтда Тошкент шаҳар Йўл ҳаракати хавфсизлиги бошқармаси ҳодиса юзасидан терговгача бўлган текширув ишларини олиб бормоқда.