Тошкентда хусусий уйда содир бўлган ёнғин ўчирилган

Тошкент, Ўзбекистон (UzDaily.uz) —  Бугун, 18 декабрь куни, соат 7:06 да Тошкентнинг Олмазор туманидаги Ачавот маҳалласида, Сағбон кўчасида жойлашган хусусий уйда ёнғин содир бўлди, деб хабар берди ФВВ.

Ёнғин-қутқарув бўлинмалари воқеа жойига соат 7:10 да етиб келиб, ёнғинни 7:31 да локаллаштрди ва тўлиқ ўчириш ишлари 7:34 да якунланди.

Жабрланганлар ва ҳалок бўлганлар йўқ.

Ҳозирда ёнғин сабабларини аниқлаш ҳамда моддий зарар миқдорини баҳолаш ишлари олиб борилмоқда.