Тошкентда Шота Руставели кўчасида автомобиль ёнди

Тошкент, Ўзбекистон (UzDaily.uz) — Бугун, 2 апрель куни Тошкент шаҳрининг Яккасарой туманида Modera Towers мажмуаси яқинида Lacetti автомобилида ёнғин содир бўлди.

Ҳодиса натижасида кучли тутун юзага келиб, Шота Руставели кўчасининг маълум қисмида кўриш имконияти вақтинча чекланди.

Ёнғин-қутқарув хизмати ходимлари воқеа жойига етиб келиб, ўн дақиқа ичида ёнғинни тўлиқ бартараф этди.

Дастлабки маълумотларга кўра, ёнғин пайтида автомобил салонида ҳеч ким бўлмаган, жабрланганлар йўқ.

Фавқулодда хизматлар иши якунланди, кўчада ҳаракат тикланиб, одатий тартибда амалга оширилмоқда.