Тошкентда Марказий Осиё етакчиларининг VII маслаҳат учрашувига тайёргарлик муҳокама қилинди

Тошкент, Ўзбекистон (UzDaily.uz) — 11–14 ноябрь кунлари Тошкентда Ўзбекистон раислигида Марказий Осиё давлатлари раҳбарларининг еттинчи Маслаҳат учрашуви масалалари бўйича Миллий координаторлар кенгашининг навбатдаги йиғилиши бўлиб ўтди.

Йиғилишда Ўзбекистон, Қозоғистон, Қирғизистон, Тожикистон ва Туркманистоннинг ташқи сиёсат идоралари вакиллари иштирок этди.

Тадбир давомида жорий йилнинг 15–16 ноябрь кунлари Тошкентда ўтказиладиган Марказий Осиё давлатлари раҳбарларининг еттинчи Маслаҳат учрашуви якуний ҳужжатлари лойиҳалари кўриб чиқилди. Шунингдек, яқинлашиб келаётган саммитга тайёргарликнинг ташкилий ва мазмуний жиҳатлари муҳокама қилинди.

Еттинчи Маслаҳат учрашуви минтақавий ўзаро алоқаларни мустаҳкамлаш ва кўп қиррали ҳамкорликни кенгайтиришда тарихий аҳамиятга эга эканлиги алоҳида таъкидланди.