Тошкент, Ўзбекистон (UzDaily.uz) — 2025 йил 26 апрель куни Ёшлар ижод саройида “Global Money Week” халқаро кампаниясининг асосий тадбирларидан бири бўлган “Молиявий саводхонлик” бўйича Ёшлар форуми бўлиб ўтди. Тадбир Ўзбекистон Республикаси Марказий банки ва UZCARD тўлов тизими ҳамкорлигида ташкил этилди.

Форум пойтахт университетларининг юзлаб талабаларини бирлаштирди ва иқтисодиёт ва рақамли саводхонлик соҳасидаги долзарб мавзуларни муҳокама қилиш учун очиқ майдонга айланди. Иштирокчиларга эксперт нутқлари, етакчи банкларнинг тақдимотлари ва интерфаол тренинг форматларидан иборат бой дастур тақдим этилди.

Тадбирда шахсий молияни бошқариш, карьера қуриш ва рақамли дунёда йўналиш масалаларига алоҳида эътибор қаратилди. Форум доирасида кейс-чемпионати ҳам ўтказилди. Бешта жамоа (25 нафар иштирокчи) финалга чиқди ва Плеханов номидаги Россия иқтисодиёт университети талабалари ёшлар аудиториясига мўлжалланган молиявий маҳсулот консепциясини ишлаб чиққани туфайли ғолиб деб топилди.

Бундан ташқари, форум доирасида “Ипотека банк”,TBC bank”, “Kapital bank”, “Sanoat qurilish bank”, “Click” ва "UZCARD" компаниялари иштирокида нетворк майдони, бўш иш ўринлари ва амалиёт ярмаркаси бўлиб ўтди ва кун махсус меҳмон – санъаткор KONSTAнинг чиқишлари билан якунланди, у ёшлар аудиторияси учун машҳур трекларни ижро этди.

Ёшлар форуми нафақат талабалар учун фойдали таълим тажрибаси, балки ёш авлоднинг молиявий ва касбий ривожланишига онгли ёндашувни шакллантиришда муҳим қадам бўлди.