Тошкент, Ўзбекистон (UzDaily.uz) — 26 февраль куни тунги вақтда Тошкентнинг Яшнобод туманида юк машинаси юқори босимли газ қувурига урилди ва бу газ чиқиб кетишига сабаб бўлди.

Натижада "Боғбон" маҳалласидаги 300 та хонадон, "Аргин" маҳалласидаги 400 та хонадон ҳамда 15 та йирик истеъмолчи газ таъминотидан вақтинча узилди.

Ҳозирда ҳодиса жойида туман газ таъминоти хизмати мутахассислари таъмирлаш ишларини олиб бормоқда.

Газ таъминоти авариядан кейинги тиклаш ишлари якунлангач қайта тикланади.