Тошкент, Ўзбекистон (UzDaily.uz) — Ўзбекистон пойтахтида Олимпия шаҳарчаси ҳудудида ер ости тоннели қурилиши бошланиши муносабати билан автотранспорт ҳаракати вақтинча чекланади. Бу ҳақда Тошкент шаҳар ҳокимлиги матбуот хизмати хабар берди.

Маълумотга кўра, 2025 йил 13 апрель соат 00:00 дан 1 сентябргача Янги Ўзбекистон кўчасининг CAEX кўргазма мажмуасидан Янги Ўзбекистон боғи кириш қисмигача бўлган қисмида ҳаракат тўлиқ тўхтатилади. Чеклов барча турдаги транспорт воситаларига тааллуқлидир.

Ер ости тоннели қурилиши Олимпия шаҳарчасини ривожлантириш доирасида амалга оширилаётган кенг кўламли инфратузилма модернизацияси лойиҳаси доирасига киради.

Ҳокимият пойтахт аҳолиси ва меҳмонларини ҳаракат схемасидаги ўзгаришларни инобатга олишга ва йўналишларини олдиндан режалаштиришга чақиради.