Тошкент, Ўзбекистон (UzDaily.uz) — Тошкентда Алишер Навоий номидаги Миллий кутубхона олдида бош янги йил арчаси ўрнатилди, деб хабар бермоқда шаҳар ҳокимияти матбуот хизмати.

Арчанинг баландлиги 33 метрни, юлдуз билан бирга эса 35 метрни ташкил қилади. У 33 мингта ўйинчоқ ва 14 минг метр узунликдаги 3500 дона ёруғлик чироқлари билан безатилган.

Бош арчадан ташқари майдонда тўртта кичик арча, 300 дан ортиқ декоратив элементлар ва байрам чиқишлари учун катта саҳна ўрнатилган.

Эслатиб ўтамиз, Тошкентнинг барча байрам майдончаларидаги арчалар 25 декабрдан 10 январгача ташриф учун очиқ бўлади.