Энг сўнгги янгиликлардан хабардор бўлинг
Телеграм каналимизга обуна бўлинг
Тошкентда 288 миллион долларлик инвестицияга эга DP World мультимодал логистика терминали очилди
Тошкентда 288 миллион долларлик инвестицияга эга DP World мультимодал логистика терминали очилди
Тошкент, Ўзбекистон (UzDaily.uz) — DP World Tashkent томонидан “Янги авлод” махсус саноат зонаси (ЯСИЗ) ҳудудида барпо этилиши режалаштирилаётган DP World Tashkent Freight Terminal юк терминали лойиҳасига бағишланган тақдимот тадбири ташкил этилди.
Унда “Янги авлод” МСЗ резидентлари, лойиҳа ташаббускорлари ва ҳамкор ташкилотлар иштирок этди.
Тақдимотда лойиҳа концепцияси, яратилаётган инфратузилма ва хизматлар ҳақида батафсил маълумот берилди. Юк терминалининг асосий устувор йўналиши ЯСИЗ резидентларига хизмат кўрсатиш ва ишлаб чиқариш фаолияти учун самарали логистика тизимини яратишдан иборат.
DP World Tashkent Freight Terminal лойиҳаси замонавий контейнер темирйўл терминали, юк терминали, божхона пости, 220 минг кв.м майдонга эга омбор мажмуасини барпо этиш ва тегишли логистика хизматларини ташкил этишни назарда тутади.
Мазкур лойиҳа логистика самарадорлигини ошириш, етказиб бериш занжирларини тезлаштириш ҳамда ишлаб чиқаришни маҳаллийлаштириш жараёнига ижобий таъсир кўрсатиши кутилмоқда.
СЎНГГИ ЯНГИЛИКЛАР