Тошкент, Ўзбекистон (UzDaily.uz) — «Тошкент» республика фонд биржаси 2024 йилни 12,3 млрд сўмлик соф фойда билан якунлади. 2023 йилда эса 467,1 млн сўмлик зарар қайд этилган эди.

Мазкур рекорд молиявий натижалар савдо ҳажми ва соф даромаднинг ортиши, шунингдек, фоизли даромадларнинг кескин ўсиши ҳисобига эришилди. Бир йил ичида фоизли даромадлар 0,7 млрд сўмдан 3,7 млрд сўмга етди.

2024 йилда биржадаги умумий савдо ҳажми 21,95 трлн сўм ($1,7 млрд) га етди, битимлар сони эса 498 381 тага кўпайди.

Солиштириш учун, 2023 йилда бу кўрсаткичлар 2,89 трлн сўм ва 411 870 та битимни ташкил этган.

Биржанинг умумий даромади 213% га ўсиб, 33,9 млрд сўм ни ташкил қилди, валовый фойда эса 283,8% га ошиб, 20,4 млрд сўм га етди.

Йил якунига кўра, биржанинг активлари 13,9% га ошиб, 81,3 млрд сўм га етди, капитал ҳажми эса 10,2% га ўсиб, 78,4 млрд сўм ни ташкил этди.