“Тошкент-Нью-Йорк” самолёти йўловчининг соғлиғи ёмонлашгани сабабли ортига қайтди

Тошкент, Ўзбекистон (UzDaily.uz) — “Ўзбекистон ҳаво йўллари” Миллий авиакомпанияси самолёти йўловчилардан бирининг соғлиғи ёмонлашгани сабабли учиб кетган аэропортга қайтишга мажбур бўлди, деб хабар бермоқда авиаташувчи матбуот хизмати.

HY101 рейси Тошкентдан Нью-Йоркга соат 06:47 да парвоз қилган. Бироқ самолёт командири 67 ёшли йўловчининг соғлиғи ёмонлашгани туфайли учиш аэропортига қайтишнга мажбур бўлган.

Самолёт Тошкент халқаро аэропортига соат 07:35 да қўнди, у ерда тез тиббий ёрдам бригадаси кутиб турган эди, дея аниқлик киритди авиакомпания.