Тошкент, Ўзбекистон (UzDaily.uz) — Ташкент Метрополитан Университй (TMU) Florida International University (FIU) таркибидаги FIU English Language Institute билан ҳамкорликни йўлга қўйди. Ушбу ҳамкорлик Ўзбекистонда инглиз тили таълимини ривожлантиришга қаратилган. Бу ҳақда TMU хабар берди.

Икки олий таълим муассасаси инглиз тили ўқитувчиларининг касбий ривожланишини қўллаб-қувватлаш мақсадида ўзаро англашув Меморандумини (MOU) имзолади. Бу ҳамкорлик халқаро таълим сифатини ошириш ва маданиятлараро алмашинувни ривожлантиришга бўлган умумий садоқатни акс эттиради.

Меморандум доирасида TMU ва FIU инглиз тили ўқитувчилари ҳамда профессорларининг ҳозирги ва келажакдаги эҳтиёжларини аниқлаш бўйича яқин ҳамкорлик ўрнатишга келишиб олди. Шу асосда, FIU ушбу ўқитувчиларни ўзининг академик кредит берилмайдиган Касбий Ривожланиш Дастурларига қабул қилади, бунда иштирокчилар FIU талабларига жавоб бериши лозим бўлади. Шунингдек, томонлар қўшимча ўқув дастурлари ва ҳамкорлик имкониятларини ҳам ўрганиб чиқади.

Тренинглар замонавий ўқитиш методикаси, инновацион педагогик услублар ва илғор таълим амалиётларига йўналтирилади.

TMU академик ишлари бўйича вице-президенти Азиз Исломхўжаев ушбу ҳамкорликнинг аҳамиятини таъкидлаб, қуйидагича изоҳ берди: “FIU билан ҳамкорлик орқали биз Ўзбекистонда инглиз тили таълими сифатини ошириш ва ўқитувчиларимизни жаҳон стандартларига мос равишда тайёрлашни мақсад қилганмиз.”

FIU English Language Institute директори Лаура Ламоур Бурнс ушбу ташаббус FIUнинг халқаро ҳамкорликни ривожлантириш мақсадларига тўлиқ мос келишини қайд этди: “Бу лойиҳа бизнинг халқаро алоқаларни мустаҳкамлаш ва бутун дунё бўйлаб ўқитувчиларни қўллаб-қувватлаш миссиямиз билан уйғун келади.”

Ушбу ҳамкорлик орқали TMU ва FIU Ўзбекистонда инглиз тили таълимининг самарадорлигини оширишга, ўқитувчиларнинг замонавий талабларга мос тайёргарлигини таъминлашга интилади.