Тошкент, Ўзбекистон (UzDaily.uz) — Тимур Ишметов Ўзбекистон Республикаси Марказий Банки Раиси лавозимига тайинланиши мумкин.

Президент Шавкат Мирзиёев унинг номзодини Олий Мажлис Сенатига тақдим этди. Ҳозирда Тимур Ишметов Президентнинг иқтисодий соҳаларни ривожлантириш, инвестиция ва ташқи савдо сиёсатини амалга ошириш бўйича биринчи ўринбосари лавозимида ишламоқда.

Аввалроқ, Президентнинг таклифи асосида Сенат Кенгаши Мамиризо Нурмуратовни Марказий Банк Раиси лавозимидан озод этиш тўғрисида қарор қабул қилган эди. У ушбу лавозимни 2017 йилдан буён эгаллаб келган.