Термизда тиббий ёрдам шошилинч тиббий ёрдам маркази очилди

Тошкент, Ўзбекистон (UzDaily.uz) — Сурхондарё вилоятининг Термиз шаҳрида Жамоат саломатлиги соҳасидаги фавқулодда вазиятлар операцион маркази (ПҲEОС) очилди.

Санитария-эпидемиологик осойишталик ва жамоат саломатлиги қўмитаси орқали Америка Қўшма Штатлари ҳукумати билан ҳамкорликда ҳамда Бирлашган Миллатлар Ташкилотининг Болалар жамғармаси (УНИСEФ) ижрочи ҳамкорлигида очилган марказ фавқулодда вазиятлар вақтида реал вақт режимида ахборот алмашинуви, оператив режалаштириш ҳамда идоралараро ҳамкорликни таъминловчи ҳудудий мувофиқлаштириш платформаси сифатида хизмат қилади.

Марказнинг миллий тизимларга интеграциялашуви жамоат саломатлигига таҳдидларга ўз вақтида, изчил ва мувофиқлаштирилган тарзда жавоб берилишини таъминлайди.

Ҳудудий даражада фавқулодда вазиятларга жавоб бериш салоҳиятини мустаҳкамлаш орқали Термиз операцион маркази юқумли касалликлар тарқалиши ҳамда жамоат саломатлиги билан боғлиқ бошқа фавқулодда вазиятлар юзага келганда жавоб бериш вақтини қисқартиришга ҳамда инқироз даврида асосий тиббий хизматларнинг узлуксиз кўрсатилишини таъминлаб, Сурхондарё вилоятининг 3 миллиондан ортиқ аҳолиси, айниқса фавқулодда вазиятлардан энг кўп зарар кўрадиган болалар ва аҳолининг заиф қатламлари манфаатларига хизмат қилади.