Темир йўл кесишмасидаги йўл-транспорт ҳодисасида 6 киши ҳалок бўлди

Тошкент, Ўзбекистон (UzDaily.uz) — 2025 йил 13 сентябрь куни Чортоқ ва Уйчи бекатлари орасидаги қўриқланмаган темир йўл кесишмасида фожиали йўл-транспорт ҳодисаси содир бўлди. «Gentra» русумли енгил автомобиль ҳайдовчиси ҳаракат хавфсизлиги қоидаларини бузиб, яқинлашиб келаётган поезд олдидан йўлни кесиб ўтишга уринди.

Машинада бўлган 5 нафар аёл ва бир бола ҳалок бўлди. Машинистлар шошилинч тормоз қўллашган, бироқ фожианинг олдини олиш мумкин бўлмади.

Мазкур ҳодиса яна бир бор темир йўл кесишмаларидан ўтишда оддий хавфсизлик қоидаларига риоя қилмаслик муаммосига эътиборни қаратади. Автомобил ҳайдовчиларига ЙҲҚ талабларига қатъий амал қилиш ва темир йўл йўллари яқинида энг юқори даражада эҳтиёткорлик билан ҳаракатланиш зарурлиги эсга солинмоқда.