Ташқи ишлар вазири Абдулазиз Камилов 1-2-март кунлари Абу-Дабида бўлади

Тошкент, Ўзбекистон (UzDaily.uz) -- 2019-йилнинг 1-2-март кунлари Ўзбекистон Республикаси Ташқи ишлар вазири Абдулазиз Камилов бошчилигидаги делегация Абу-Даби шаҳрида Ислом ҳамкорлик ташкилотига (ИҲТ) аъзо-давлатлар Ташқи ишлар вазирлари кенгашининг (ТИВК) 46-сессияси ишида иштирок этади.

Бирлашган Араб Амирликларида бўлиш доирасида ИҲТ раҳбарияти ва ТИВКда иштирок этаётган делегациялар раҳбарлари билан қатор икки томонлама учрашувлар ўтказиш режалаштирилган.

Манба: ТИВ расмий сайти.