Тошкент, Ўзбекистон (UzDaily.uz) — 15 февраль куни Сурхондарё вилоятида даҳшатли ҳодиса содир бўлди — номаълум шахс уйни қасддан ёқиб юбориб, бир аёл ва унинг фарзандини ўлдирди.

Бош прокуратура матбуот хизмати маълумотига кўра, ўт ўчириш хизматига соат 03:39 да Узун тумани «Янгиюл» маҳалласидан ёнғин ҳақида хабар келиб тушган. Ҳодиса жойига тезкор тергов гуруҳи етиб борган.

Терговчилар уй соҳибаси, М.Р., ва унинг вояга етмаган фарзанди, О.Х.нинг жасадларини топишган.

Марҳумларнинг бош қисмида жароҳатлар аниқланган. Шунингдек, унинг икки бошқа фарзанди – М.Х. ва З.Х. ҳам бош жароҳати билан касалхонага ётқизилган ва ҳозирда реанимация бўлимида даволанмоқда.

Ҳодиса бўйича Жиноят кодексининг 97-моддаси 2-қисми «а» банди (Қасддан одам ўлдириш) бўйича жиноят иши қўзғатилган. Айни пайтда тергов ишлари давом этмоқда.