Тошкент, Ўзбекистон (UzDaily.uz) — Стратегик ислоҳотлар агентлиги ижтимоий тармоқларда пенсия тизими бўйича таклифлар атрофида юзага келган муҳокамаларга изоҳ берди.

Агентлик мамлакат пенсия тизимини хусусий секторга ўтказиш ҳақидаги гаплар ҳақиқатга тўғри келмаслигини таъкидлади.

Цианинг аниқлик киритишича, хусусий секторни пенсия тизимига жалб қилиш таклифи давлат Пенсия жамғармасининг тугатилишини англатмайди.

Ушбу масала халқаро экспертлар томонидан пенсия тизимини ислоҳ қилиш юзасидан таклиф этилган бир қатор тавсиялардан бири бўлиб, ҳозирда ушбу таклифлар Стратегик ислоҳотлар агентлиги ва бошқа тегишли идоралар томонидан ўрганилмоқда.

Пенсия тизимидаги ўзгаришларни ишлаб чиқишда ЦИА халқаро тажрибани ҳар томонлама таҳлил қилишни ва фуқароларнинг фикр ва манфаатларини ҳисобга олишни режалаштирмоқда.

Агентлик шунингдек, барча таклифлар фақат аҳолининг ижтимоий ҳимоя даражасини оширишга қаратилганлигини таъкидлади.