Стол тенниси бўйича жаҳон чемпионатида Ўзбекистон терма жамоаларининг рақиблари аниқланди

Тошкент, Ўзбекистон (UzDaily.uz) — Стол тенниси бўйича жаҳон жамоавий чемпионати 28-апрелдан 10-майгача Лондонда бўлиб ўтади.

Ушбу нуфузли мусобақада иштирок этадиган Ўзбекистоннинг эркаклар ва аёллар терма жамоалари турнирнинг гуруҳ босқичидаги рақибларини билиб олди.

Мусобақанинг биринчи босқичига қуръа ташлаш маросимидан сўнг, терма жамоалар қуйидагилардан иборат бўлади:

Эркаклар (4-гуруҳ): Бразилия, Венгрия, Пуэрто-Рико, Ўзбекистон;

Аёллар (11-гуруҳ): Австралия, Нигерия, Уэлс, Ўзбекистон.

Келгуси жаҳон чемпионати ўзбек спортчилари учун муҳим синов бўлиб, халқаро майдонда тайёргарлик даражасини намойиш этиш учун катта имконият ҳисобланади.