Тошкент, Ўзбекистон (UzDaily.uz) — 2025 йил 29 май ҳолатига кўра, 1 АҚШ доллари 12 826 сўмга тенг. Шу тариқа, бир ҳафта ичида Ўзбекистон миллий валютаси 0,56%га қимматлашди. Ундан олдинги ҳафтада эса сўм 0,65%га мустаҳкамланган эди.

Бундай йўналтирилган ҳаракатлар май ойининг биринчи ярмида кузатилган курс тушишини маълум даражада бартараф этди. Натижада ой охирига келиб сўм муайян мувозанат ҳолатига чиқди. Май ойи давомида сўм долларга нисбатан 0,53%га, йил бошидан эса 0,56%га ўсди.

2025 йилнинг дастлабки беш ойи учун глобал тренд ёт ҳаракат (боковой тренд) деб баҳоланмоқда, лекин умумий тенденция сўмнинг мустаҳкамланишига қараб кетаётгани қайд этилмоқда.

Апрель ойида Ўзбекистон 1,91 млрд долларлик олтин экспорт қилди. Йил бошидан буён ушбу кўрсаткич 5,48 млрд долларни ташкил этди. 2025 йилнинг тўрт ойи давомида мамлакатнинг ташқи савдо айланмаси 24,6 млрд долларни ташкил қилди — бу ўтган йилнинг шу даврига нисбатан 16,3%га кўп. Бу ўсиш, асосан, экспортнинг 35,1%га кўпайиб, 11,88 млрд долларни ташкил этгани ҳисобига юз берди. Импорт эса фақат 2,9%га ўсиб, 12,72 млрд долларни ташкил қилди. Натижада, савдо балансидаги камомад 846,3 млн долларгача қисқарди (2024 йилда 3,58 млрд доллар эди).

Умумий савдо ўсиши фонида тўқимачилик, автомобил, чўян ва пўлат, ҳамда нефть маҳсулотлари экспортида пасайиш кузатилди.

Хитой 4,18 млрд долларлик айланма билан Ўзбекистоннинг энг йирик савдо ҳамкори бўлиб қолмоқда. Унинг ортидан Россия келмоқда — 3,7 млрд доллар. Бироқ, Хитой билан савдо ҳажми 5,6%га ошган бўлса, Россия билан савдо 3%га камайган.

Анализларга кўра, мазкур маълумотлар сўм учун нейтрал таъсирга эга.

Келаси ҳафта доллар/сўм жуфти 12 800–12 960 сўм оралиғида ҳаракатланиши кутилмоқда.

Анна Бодрова, Alpari таҳлилчиси