Тошкент, Ўзбекистон (UzDaily.uz) — Шанхай ҳамкорлик ташкилоти (ШҲТ)га аъзо давлатлар очиқ, шаффоф, адолатли ва нохолис бўлмаган кўп томонлама савдо тизими тамойилларига содиқлигини тасдиқловчи қўшма баёнот билан чиқишди.

Ҳужжатда Жаҳон савдо ташкилоти (ЖСТ)нинг глобал савдо тартибининг асоси сифатидаги муҳим ўрни таъкидланган.

Ташкилот аъзолари очиқ жаҳон иқтисодиётини ривожлантиришга кўмаклашиш, шунингдек, глобал муаммоларга самарали жавоб бериш учун кўп томонлама савдо тизимининг салоҳиятини сақлаш ва мустаҳкамлаш ниятида эканликларини билдиришди.

«ШҲТга аъзо давлатлар кўп томонлама савдо тизимининг имкониятларини сақлаш ва мустаҳкамлашга қатъий бел боғлаган», — дейилади баёнотда.

Баёнотда ЖСТ доирасида барқарор ривожланиш масалаларини муҳокама қилиш муҳимлигига алоҳида эътибор қаратилди. Шунингдек, жаҳон савдоси барқарорлиги ва ишончлилигини таъминлайдиган очиқ ва ишончли глобал етказиб бериш занжирларини сақлаш зарурлиги таъкидланган.

Бу баёнот ШҲТнинг халқаро савдо соҳасидаги ҳамкорликни мустаҳкамлашга қаратилган саъй-ҳаракатларини яна бир бор тасдиқлаб, аъзо давлатларнинг адолатли ва мувозанатли жаҳон иқтисодий тартибини яратишга интилишини акс эттиради.