Тошкент, Ўзбекистон (UzDaily.uz) — Ўзбекистон Республикаси делегациясининг Москвага ташрифи доирасида Ўзбекистон Президенти матбуот котиби Шерзод Асадов Россия Федерацияси Президентининг матбуот котиби — Президент Маъмурияти раҳбари ўринбосари Дмитрий Песков билан учрашув ўтказди.

Томонлар ахборот соҳасидаги ҳамкорликнинг долзарб масалалари ва истиқболли йўналишларини, жумладан, кадрлар тайёрлаш ва медиакоммуникациялар соҳасида касбий маҳоратини ошириш масалаларини муҳокама қилишди.

Давлат раҳбарлари матбуот хизматлари ўртасидаги ҳамкорлик, тажриба алмашинуви ва стратегик коммуникацияларга замонавий ёндашувларни ишлаб чиқиш масалаларига алоҳида эътибор қаратилди. Медиа муҳитининг тезкор ўзгариши ва рақамли платформалар таъсирининг ортиши шароитида ходимларнинг малакасини мунтазам ошириш муҳимлиги таъкидланди.

Шунингдек, ахборот сиёсати ва ўзбек-рус муносабатларини медиа билан ҳамроҳлик қилиш соҳасида қўшма ташаббусларни амалга ошириш режалари кўриб чиқилди. Икки мамлакатнинг тегишли тузилмалари ўртасидаги ҳамкорликни чуқурлаштириш, касбий алоқаларни мустаҳкамлаш ва мулоқотни кенгайтиришга ўзаро тайёрлик алоҳида қайд этилди.