Тошкент, Ўзбекистон (UzDaily.uz) — Бугун Президент Шавкат Мирзиёев ҳудудлар ривожи ва ислоҳотларнинг жойлардаги амалга оширилиши билан танишиш мақсадида Қашқадарё вилоятига ташриф буюради.

Ташриф доирасида саноат, тиббиёт, туризм, энергетика соҳаларидаги корхоналар ва объектлар билан танишиш, шунингдек, маҳаллаларда амалга оширилаётган ободонлаштириш ишларини кўздан кечириш режалаштирилган.

Бундан ташқари, вилоятнинг ижтимоий-иқтисодий ривожланиши бўйича келгуси вазифалар муҳокамасига бағишланган йиғилиш ўтказилиши ҳам кўзда тутилган.