Тошкент, Ўзбекистон (UzDaily.uz) — Ўзбекистон Президенти Шавкат Мирзиёев Хитой Халқ Республикаси Раиси Си Цзиньпинга 4 май куни Гуйчжоу вилоятида рўй берган фожиа муносабати билан ҳамдардлик йўллади, у ерда кутилмаганда юз берган кучли шамол тўртта туристик қайиқни ағдариб юборган.

Давлат раҳбари ҳалок бўлганларнинг оилаларига чуқур таъзия ва ҳамдардлик билдирди, жабрланувчиларга эса тезроқ шифо топишини тилади.

«Синьхуа» агентлиги маълумотларига кўра, ҳодиса содир бўлган пайтда қайиқларда 84 киши бўлган. Натижада, 10 киши ҳалок бўлган, 70 дан ортиқ одам шифохоналарга етказилган.