Шанхайда бўлиб ўтган форумда Ўзбекистон Хитой билан савдо алоқаларини ривожлантирмоқда

Тошкент, Ўзбекистон (UzDaily.uz) — Хитой Халқ Республикасининг Шанхай шаҳрида бўлиб ўтаётган 8-Хитой халқаро импорт ярмаркаси (CIIE) доирасида “Марказий Осиё – Хитой” форматида Тўсиқларсиз савдо форуми ўтказилди.

Ўзбекистон Республикаси инвестициялар вазири ўринбосари Илзат Касимов ўз нутқида мамлакатдаги қулай инвестиция муҳити, ишлаб чиқариш имкониятлари ва Марказий Осиё ҳамда Хитой ўртасидаги савдо коридорларини ривожлантиришнинг стратегик аҳамиятини таъкидлади. Шунингдек, товарлар, хизматлар ва инвестициялар алмашинувини тезлаштириш ҳамда тўсиқларни олиб ташлаш масалаларига алоҳида эътибор қаратилди.

Тадбирда Тсянсу провинцияси губернатори Лю Сяотао, Қозоғистон Республикасининг савдо ва интеграция вазири Арман Шаккалиев, Хитой Савдо вазирининг ўринбосари Лин Жи, шунингдек, минтақа мамлакатларининг давлат органлари ва бизнес доиралари вакиллари иштирок этди.

Тсянсу провинцияси Хитойдаги иккинчи йирик иқтисодий маркази ҳисобланади, 2024 йилда унинг ЯИМ ҳажми 1,9 триллион АҚШ долларидан ошди. Асосан машинасозлик, электроника, кимё, кемасозлик ва қайта тикланувчи энергетика тармоқлари ривожланган.

Тадбир иштирокчилари минтақавий интеграцияни чуқурлаштириш, молиявий, логистика ва инфратузилма алоқаларини мустаҳкамлашнинг аҳамиятини қайд этиб, Марказий Осиё давлатлари ва Хитой ўртасида барқарор ҳамкорликни ривожлантиришга тайёрликларини билдирдилар.