Сербия делегацияси Ўзбекистон технопаркига ташриф буюрди

Тошкент, Ўзбекистон (UzDaily.uz) — TEXNOPARK'га Сербия Бош вазирининг ўринбосари - Иқтисодиёт вазири Адриана Месарович бошчилигидаги ҳукумат делегацияси ташриф буюрди.

Ташриф доирасида меҳмонларга ишлаб чиқариш жараёнлари, замонавий технологик линиялар, маҳсулот сифатини назорат қилиш тизими, шунингдек, ишлаб чиқариш корхоналарининг экспорт салоҳияти тақдим этилди.

Кенг турдаги саноат электротехника маҳсулотлари, маиший техника ва қурилиш материаллари, уларнинг ички ва ташқи бозордаги ўрни ҳақида батафсил маълумот берилди.

Учрашувда икки томонлама ҳамкорлик ва ўзаро манфаатли савдо масалалари муҳокама қилинди.