Сенат томонидан “Давлат-хусусий шериклик тўғрисида”ги Қонун маъқулланди

Ташкент, Узбекистан (UzDaily.uz) – Сенат томонидан “Давлат-хусусий шериклик тўғрисида”ги Қонун маъқулланди.

Қонунга кўра, давлат-хусусий шериклик лойиҳаси бу иқтисодий, ижтимоий ва инфратузилмавий вазифаларни ҳал этиш учун хусусий инвестицияларни жалб этиш, илғор бошқарув тажрибасини жорий этишдан иборат тадбирлар мажмуи ҳисобланади.

Шунингдек, Қонун билан давлат-хусусий шериклик соҳасидаги давлат сиёсатининг асосий тамойиллари ва йўналишлари белгилаб берилади, ушбу соҳадаги ҳамкорликнинг амалга оширилиши тартиби ва талаблари тартибга солинади.

Давлат-хусусий шериклик давлат ташкилоти ва тадбиркорлик субъектининг давлат-хусусий шериклик лойиҳасини амалга ошириш учун ўз ресурсларини бирлаштиришига асосланган ҳамкорлигидир.

Қонунга мувофиқ, Молия вазирлиги ҳузуридаги Давлат-хусусий шерикликни ривожлантириш агентлиги давлат-хусусий шериклик соҳасидаги ваколатли давлат органи этиб белгиланди.

Манба: Адлия вазирлигининг телеграмдаги “Ҳуқуқий ахборот” канали.