Санкт-Петербург губернатори расмий ташриф билан Тошкентга келди

Тошкент, Ўзбекистон (UzDaily.uz) — Санкт-Петербург губернатори Александр Беглов расмий ташриф билан Тошкентга келди.

Ислом Каримов номидаги халқаро аэропортда уни пойтахт ҳокими Шавкат Умурзаков кутиб олди.

Делегация ташрифи 8 сентябрдан 11 сентябргача давом этади ва унда учрашувлар, тарихий ва маданий объектларга саёҳат, шунингдек, Тошкент ва Санкт-Петербург ўртасидаги ҳамкорликни мустаҳкамлашга қаратилган тадбирлар режалаштирилган.