Тошкент, Ўзбекистон (UzDaily.uz) —  2025 йил 1 апрелдан бошлаб «Озарбайжон ҳаво йўллари» Самарқанд ва Боку ўртасида тўғридан-тўғри парвозларни қайта йўлга қўяди.

Парвозлар ҳафтасига икки марта – чоршанба ва якшанба кунлари амалга оширилади. Самарқанддан маҳаллий вақт билан соат 2:55 да учиб кетилади.

Парвоз давомийлиги 2 соат 20 дақиқани ташкил этади.

Бу Самарқанддан сафар қилаётган сайёҳлар учун янги имкониятларни очиб беради ва Гейдар Алиев номидаги Боку халқаро аэропортининг (75 дан ортиқ йўналишлар) халқаро рейслар тармоғига яна бир йўналишни қўшади.