Тошкент, Ўзбекистон (UzDaily.uz) — Самарқандда “Сув боғрида” (“Самарқанд Ривиера”) туристик мажмуасини қуриш лойиҳаси тақдимоти бўлиб ўтди.

Самарқанд вилояти ҳокими вазифасини бажарувчи Адиз Бобоев ва тегишли масъуллар иштирок этган мазкур тақдимотда вилоятда “Suv bag‘rida" яъни "Самарканд Ривиера” номли йирик туризм мажмуасини барпо этиш лойиҳаси кўриб чиқилди.

Ҳокимлик матбуот хизмати хабарига кўра, ушбу лойиҳа доирасида туну кун фаолият юритадиган гастрономик кўча, аквапарк, акванариум ва болалар учун яшил боғлар ва бошқа кўнгилочар ҳамда туризм хизматлари ташкил этилиши назарда тутилган.

Вилоят раҳбари туризм хизматлари турларини кенгайтириш, бу соҳада бандликни таъминлашга алоҳида эътибор қаратилиши лозимлигини таъкидлади.

Бундан ташқари, Самарқанд шаҳрининг дизайн коди тақдимоти ҳам ўтказилди. Ушбу лойиҳа келгусида шаҳар бренди сифатида шаклланиб, туризм оқимини кенгайтириш ва туризм маркетингини ривожлантиришга ҳисса қўшиши кутилмоқда.