Тошкент, Ўзбекистон (UzDaily.uz) — 2025 йил 24 июнь куни Самарқанд шаҳрида бўлиб ўтган Бирлашган Миллатлар Ташкилотининг Давлат хизмати бўйича Форуми муносабати билан Франция давлат фаолияти, давлат хизмати ва соддалаштириш вазирлиги ҳамда Давлат хизмати миллий институти Давлат хизматини ривожлантириш агентлиги (ARGOS) ҳамда Давлат сиёсати ва бошқаруви академияси билан ҳамкорлик қилиш бўйича аҳдлашув  декларациясини имзоладилар.

Ушбу тўрт томонлама келишув 2022 йилдан буён мавжуд бўлган ҳамкорликни янада чуқурлаштиради: Франция эндиликда давлат бошқаруви соҳасида академик ва касбий курсларда (узоқ ва қисқа муддатли дастурлар, стажировкалар ва малака ошириш дастурлари) иштирок этадиган кўпроқ ўзбекистонлик давлат хизматчилари ва истиқболли мутахассисларни аёллар етакчилиги ва рақамли трансформацияга алоҳида эътибор қаратган ҳолда қабул қилади.

Ҳужжатларни имзолаш маросими Франциянинг Ўзбекистондаги элчиси Орелия Бушез хоним, вазирликдан келган Франция делегацияси ва Ўзбекистон Президенти маслаҳатчиси ўринбосари жаноб Пўлат Бобожонов иштирокида бўлиб ўтди.