Россиянинг «ЮАИЗ» ОАЖ компанияси Чирчиқнинг инвестиция салоҳиятини ўрганиб чиқди

Тошкент, Ўзбекистон (UzDaily.uz) — «Чирчиқ» кимё-индустриал технопаркига Россиянинг «ЮАИЗ» АЖ компанияси вакиллари ташриф буюрди.

Компания электр тармоқлари тизими учун юқори кучланишли изоляторлар ва линия арматураларини ишлаб чиқариш бўйича дунёда етакчи ҳисобланади.

Ташрифдан кўзланган асосий мақсад технопаркнинг инвестициявий салоҳиятини ўрганиш ва ишлаб чиқаришни жойлаштириш имкониятларини кўриб чиқишдан иборат бўлди.

Учрашув давомида технопарк мутахассислари меҳмонларни мавжуд инфратузилма ва резидентлар учун яратилган имтиёзлар билан таништирди.

Бундай ташрифлар хорижий компанияларнинг технопаркнинг инвестициявий салоҳиятига қизиқиши ортиб бораётганини яққол кўрсатади.