Тошкент, Ўзбекистон (UzDaily.uz) — Яқин кунларда Самарқанд шаҳрида Россия Федерациясининг Генераль консуллиги иш бошлайди. Бу ҳақда Россия Ташқи ишлар вазири ўринбосари Сергей Рябков Москвада Ўзбекистон мустақиллик кунига бағишлаб ташкил этилган қабул маросимида маълум қилди, дея хабар бермоқда ТАСС.

«Россиянинг Самарқанддаги Генераль консуллигини ташкил этиш ишлари якунига етмоқда. Консуллик очилиши энди яқин вақт ичида амалга ошади», — деди Рябков.

Унинг таъкидлашича, бу қадам икки давлатнинг «ўзаро муносабатларни, жумладан, минтақавий ҳамкорликни кучайтиришга интилаётганининг яна бир тасдиғи» бўлади.

Самарқандда консулхона очиш орқали Россия ўз фуқаролари учун консуллик хизматларидан фойдаланишни осонлаштиришни режалаштирмоқда. Бу айниқса шаҳарда ва унинг атрофида катта сонда Россия фуқаролари ва ҳамватанлари истиқомат қилаётганини ҳисобга олганда муҳим аҳамиятга эга.