Тошкент, Ўзбекистон (UzDaily.uz) — Рақобатни ривожлантириш ва истеъмолчилар ҳуқуқларини ҳимоя қилиш қўмитаси вакиллари ва Осиё тараққиёт банки вакиллари — тегишли миссия раҳбари А.Хабиров бошчилигидаги экспертлар ўртасида учрашув бўлиб ўтди.

Унда электр энергияси етказиб беришда сифат ва ишончлиликни таъминлаш, истеъмолчилар ҳуқуқларини ҳимоя қилиш ва соҳада рақобатни ривожлантириш, ҳуқуқбузарликларни аниқлаш ҳамда аҳолининг ҳуқуқий саводхонлигини ошириш бўйича амалий чоралар муҳокама қилинди.

Учрашув қўмита ва Осиё тараққиёт банки ҳамкорлигини мустаҳкамлаб, энергетика соҳасида сифат ва истеъмолчи ҳуқуқларини ҳимоя қилишда янги босқични бошлашга хизмат қилади.