Энг сўнгги янгиликлардан хабардор бўлинг
Телеграм каналимизга обуна бўлинг
Рақобат қўмитаси Сурхондарёда цемент сотишда қонунбузарликларни аниқлади
Рақобат қўмитаси Сурхондарёда цемент сотишда қонунбузарликларни аниқлади
Тошкент, Ўзбекистон (UzDaily.uz) — Рақобат қўмитасининг Сурхондарё вилояти ҳудудий бошқармаси томонидан «SURXANCEMENTINVEST» МЧЖ томонидан 2025 йил январь–август ойлари давомида юқори ликвидли цементни биржа савдоларини четлаб ўтиб, тўғридан-тўғри шартномалар орқали сотган ҳолатлар аниқланди.
Бундай ҳаракатлар «Рақобат тўғрисида»ги қонуннинг 29-моддасига хилоф бўлиб, юқори ликвидли ва (ёки) монопол товарларни фақат тўғридан-тўғри шартномалар асосида, биржа савдоларисиз сотишни тақиқлайди.
Текширув натижаларига кўра, компанияга нисбатан иш қўзғатилиб, натижаси юзасидан белгиланган тартибда тегишли таъсир чораси қўлланилди. Шунингдек, қонунбузарликларни бартараф этиш ва келгусида бундай ҳолатларнинг олдини олиш бўйича тавсиялар берилди.
Қўмита маълум қилишича, сунъий нарх ошириш ва рақобатни чеклашнинг олдини олиш мақсадида биржа операциялари бўйича кунлик ва ойлик мониторинг олиб борилмоқда.
СЎНГГИ ЯНГИЛИКЛАР