Рақамли технологиялар вазирлиги JETRO компанияси билан Ўзбекистонда IТ-аутсорсингни ривожлантириш масалаларини муҳокама қилди

Тошкент, Ўзбекистон (UzDaily.uz) — JETRO ижрочи вице-президенти Такафуми Сузаки билан учрашувда Ўзбекистонда АТ оутсоурсинг соҳасида яратилган қулай шароитлар ва JETRO билан йўлга қўйилган самарали ҳамкорлик натижалари муҳокама қилинди.

 ICT Week доирасида илк бор Япония павильони ташкил этилиб, унда 10 дан ортиқ етакчи япон АТ компаниялари иштирок этди. Шунингдек, ИТ Паркда япон резидент компаниялар сони 20 тадан ошгани қайд этилди.

Сузаки Ўзбекистоннинг АТ таълими ва ёшларнинг технологик кўникмалари халқаро миқёсда эътироф этилаётганини таъкидлади. Бу эса янада кўпроқ япон компанияларини мамлакатимизга жалб этиш учун мустаҳкам замин яратаётгани қўшимча қилинди.