Тошкент, Ўзбекистон (UzDaily.uz) — 22-25 март кунлари Қозоғистоннинг Оқтау шаҳрида “Made in Uzbekistan” ярмаркаси бўлиб ўтмоқда.

Тадбир мамлакатимизнинг экспорт салоҳиятини намойиш этиш, аҳолини арзон ва сифатли маҳсулотлар билан таъминлаш, шунингдек, Ўзбекистон ва Қозоғистон тадбиркорлари ўртасида янги ишбилармонлик алоқаларини ўрнатишга ёрдам бериш мақсадида Ўзбекистон Савдо-саноат палатаси кўмагида ташкил этилди.

Тўрт кун давомида ярмаркада республикамизнинг барча ҳудудларидан 60 дан ортиқ корхона маҳсулотлари намойиш этилади. Ташриф буюрувчилар озиқ-овқат, тўқимачилик, ҳунармандчилик, чарм, электротехника, қурилиш ва мебель саноатининг юқори сифатли маҳсулотларини харид қилиш имконига эга.

“Made in Uzbekistan” ярмаркаси миллий маҳсулотларни оммалаштириш, рақобатбардошлигини намойиш этиш, Қозоғистонлик ҳамкорлар билан савдо-иқтисодий ҳамкорликни мустаҳкамлашга хизмат қилади.