Тошкент, Ўзбекистон (UzDaily.uz) — Ўзбекистон Президенти «Қишлоқ хўжалиги ерлари ҳосилдорлигини ошириш ва соҳага инвестициялар жалб қилиш учун қулай шароитлар яратиш бўйича қўшимча чора-тадбирлар тўғрисида»ги Фармонни имзолади.

Ҳужжатга кўра, ижарачиларнинг мустақиллигини таъминлаш ва қўшимча қиймат юқори бўлган экинларни устувор етиштириш тамойиллари асосида қишлоқ хўжалиги ерларини тақдим этишнинг янги тизими тажриба тариқасида жорий этилади.

Янги тартибга мувофиқ, ер майдонлари 3 гектардан 50 гектаргача бўлган ҳажмда электрон савдолар платформаси — «E-auksion»да сотувга қўйилади. Бунда ер майдонларининг яхлитлиги ва мавжуд суғориш тизими сақлаб қолинади. Бундай савдоларда Ўзбекистон фуқаролари ва юридик шахслари, шу жумладан чет эл инвестициялари билан ташкил этилган корхоналар, яшаш жойи, ташкилотнинг ҳуқуқий шакли ёки бошқа ер майдонларига эгалигига қарамасдан, иштирок этиши мумкин.

Аукцион ғолиби ерни ижарага олиш ҳуқуқига эга бўлади ва бу билан у одатий ҳуқуқ ва мажбуриятлардан ташқари қўшимча имкониятларга ҳам эга бўлади.

Хусусан, ғолиб:

• 49 йил муддатга ерни ижарага олиш ҳуқуқига эга бўлади;
• Етиштириладиган экинлар, уларнинг навлари ва ҳажмини мустақил белгилаш;
• Ерни субарендага бериш;
• 20 сотихгача бўлган ернинг четки қисмларида қишлоқ хўжалиги объектларини жойлаштириш ҳуқуқига эга бўлади.