Қашқадарё вилоятида гранулланган олтингугурт ишлаб чиқариш йўлга қўйилди

Тошкент, Ўзбекистон (UzDaily.uz) — Қашқадарё вилояти Мубарек туманида гранулланган олтингугурт ишлаб чиқариш ҳажмини кенгайтириш бўйича лойиҳа муваффақиятли амалга оширилди. Бу ҳақда Ўзбекистон Инвестициялар, саноат ва савдо вазирлиги хабар бермоқда.

Ишлаб чиқариш қуввати йилига 150 минг тонна маҳсулотни ташкил қилади, бу эса ишлаб чиқарилаётган маҳсулот ҳажмини сезиларли даражада ошириш имконини беради.

Лойиҳа доирасида 80 та янги иш ўрни яратилди, умумий инвестиция қиймати эса 18 миллион АҚШ долларини ташкил қилди.

Лойиҳани амалга ошириш ташаббускори тадбиркор Ахмад Воҳид Яғулби бўлди.