«Қамчиқ» довонида ФВВ қутқарувчилари йўл-транспорт ҳодисасида жабрланган ҳайдовчига ёрдам кўрсатди

Тошкент, Ўзбекистон (UzDaily.uz) — 7 март куни кечқурун «Қамчиқ» довонида Фавқулодда вазиятлар вазирлиги ходимлари йўл-транспорт ҳодисасига учраган ҳайдовчига ёрдам кўрсатди.

Махсус қутқарув ускуналари ёрдамида мутахассислар жабрланувчини юк автомобили кабинасидан чиқариб олиб, уни тез тиббий ёрдам бригадасига топширдилар.

Дастлабки маълумотларга кўра, ҳайдовчи шифокорлар назорати остида бўлиб, унинг аҳволи қониқарли деб баҳоланмоқда.