Тошкент, Ўзбекистон (UzDaily.uz) — Покистон бош вазири Шаҳбоз Шариф Ўзбекистон бош вазири Абдулла Арипов билан биргаликда «Янги Ўзбекистон» боғига ташриф буюрди.

Шаҳбоз Шариф 25 феврал куни Ўзбекистон Президенти Шавкат Мирзиёевнинг таклифига биноан расмий ташриф билан Тошкентга келди. Ташриф доирасида у «Янги Ўзбекистон» боғида жойлашган Мустақиллик монументи пойига гулчамбар қўйди.

Ташриф чоғида юқори мартабали меҳмонга мажмуанинг меъморий хусусиятлари, унинг композицион ғояси ва рамзий маъноси ҳақида маълумот берилди. Мажмуа Покистон делегациясида чуқур таассурот қолдирди.

Таъкидлаш лозимки, мамлакатимизга ташриф буюраётган мартабали меҳмонларнинг Давлатимиз раҳбари Шавкат Мирзиёев ташаббуслари билан барпо этилган мазкур муҳташам мажмуа билан танишуви анъанага айланган.