Пиёдалар ўтиш жойида болага йўл бермаган ҳайдовчи 1 йилга ҳайдовчилик ҳуқуқидан маҳрум қилинди

Тошкент, Ўзбекистон (UzDaily.uz) — Куни кеча ижтимоий тармоқларда Шаҳрисабз шаҳрида пиёдалар ўтиш жойидан ўтаётган мактаб ўқувчиси катта тезликда келаётган Дамасъдан аранг қочиб қолгани акс этган видео тарқалди.

Аниқланишича, қоидабузар 68 ёшли эркак бўлган. У 1 кун давомида ички ишлар ходимларидан яшириниб юрган.

Ушбу ҳайдовчи 1 йил муддатга транспорт воситаларини бошқариш ҳуқуқидан маҳрум қилиниб, базавий ҳисоблаш миқдорининг 25 баравари (10 млн 300 минг сўм) миқдорида жаримага тортилди.