Пенсионерларга 2026 йил январь ойи учун тўлов саналарини маълум қилишди

Тошкент, Ўзбекистон (UzDaily.uz) — Ўзбекистон Пенсия жамғармаси янги йил байрамлари инобатга олинган ҳолда 2026 йил январь ойи учун пенсия тўловлари жадвалини тушунтириб берди.

Жамғарма маълумотига кўра, пенсиялар банк пластик карталарига 5 январдан бошлаб ўтказилади. Нақд пул шаклида тўлов оладиган пенсионерлар эса 5 январдан 27 январга қадар «Халқ банки»нинг кўчма кассалари орқали, маҳаллаларда фуқаролар йиғинлари ёки яшаш жойида пенсияларини олишлари мумкин бўлади.

Бу қарор мамлакатда Янги йил байрамлари муносабати билан 31 декабрдан 4 январга қадар дам олиш кунлари белгилангани билан изоҳланади.

Пенсия тўловларини молиялаштириш «Ўзбекистон Республикасининг 2026 йил учун Давлат бюджети тўғрисида»ги Қонунга мувофиқ амалга оширилмоқда.

Пенсия жамғармаси фуқаролар қўшимча маълумот ва маслаҳат олиш учун 1271 телефон рақами орқали «ишонч телефони»га мурожаат қилишлари мумкинлигини қайд этди.