Тошкент, Ўзбекистон (UzDaily.uz) — Пекинда Ўзбекистон Маданият ва санъатни ривожлантириш жамғармаси Раиси Гаяне Умерова Хитой Давлат Қурилиш Муҳандислик Корпорацияси (CSCEC)) Раиси жаноб Гао Бо билан учрашув ўтказди.

Учрашув марказида машҳур япон меъмори Тадао Андо томонидан ишлаб чиқилаётган янги Ўзбекистон Миллий музейи қурилиши бўйича ҳамкорлик масалалари муҳокама қилинди. Лойиҳа расман кучга кириб, мамлакатимизнинг тарихий мероси ва замонавий бадиий қарашларини уйғунлаштирган янги маданий рамзига айланади.

Томонлар алоҳида эътиборни меъморий ечимлар сифатига, мустаҳкам ва чидамли материаллардан фойдаланишга ҳамда илғор халқаро тажрибаларни жорий этишга қаратдилар. Ҳамкорликдаги саъй-ҳаракатлар лойиҳа энг юқори даражада амалга оширилишини таъминлаб, уни Ўзбекистон ва бутун Марказий Осиёнинг етакчи маданий марказларидан бирига айлантириши кутилмоқда.