Тошкент, Ўзбекистон (UzDaily.uz) — 2025 йилнинг биринчи ярим йили якунларига кўра, «Ўзсаноатқурилишбанк» АЖнинг соф фойдаси 808,6 миллиард сўмни ташкил этди. Бу ўтган йилнинг шу даврига нисбатан 5,2 фоизга кўпдир.

Ҳисобот даврида банкнинг фоизли даромадлари унчалик катта бўлмаган ўсишни қайд этди — 0,4 фоизга кўтарилиб, 5,2 триллион сўмга етди. Шу билан бирга, нофоизли даромадлар сезиларли даражада ошди — 33,6 фоизга ўсиб, 3,5 триллион сўмни ташкил этди.

Банк активлари 2025 йил январь–июнь ойларида 21,4 фоизга кўпайиб, 97,2 триллион сўмга етди. Банкнинг ўз капитали эса 13,8 фоизга ўсиб, 10,8 триллион сўмни ташкил этди.

2025 йил 1 июнь ҳолатига кўра, банкнинг кредит портфели 68,4 триллион сўмни ташкил этиб, ўтган йилнинг шу даврига нисбатан 14 фоизга ошди. Шу билан бирга, муаммоли кредитлар улуши (NPL) 4,3 фоиздан 3,8 фоизга тушди, бу эса банкнинг кредит портфели сифати ошганини кўрсатади.