Тошкент, Ўзбекистон (UzDaily.uz) — Жорий йилнинг февраль ойи охирида «Ўзметкомбинат» АЖ ва «Ўзсаноатқурилишбанк» АТБ ўртасида 400 млрд сўмлик кредит шартномалари имзоланди.

Кредит битимлари мос равишда 109 млрд ва 291 млрд сўм миқдорида тузилган.

Корпоратив маълумотларнинг ягона порталида эълон қилинган маълумотларга кўра, кредитларнинг қайтариш муддати 12 ойни ташкил этади.

2025 йилда «Ўзметкомбинат» янги қуйма-прокат мажмуасини ишга туширишни режалаштирмоқда.

Шу билан бирга, ўтган ҳафтада Fitch рейтинг агентлиги корхонанинг кредит рейтингини «BB−» даражасидан «B+» даражасига пасайтирди.