Тошкент, Ўзбекистон (UzDaily.uz) — «Ўзгидромет» маълумотига кўра, 25 апрелдан 30 апрелгача Ўзбекистоннинг саккизта ҳудудида ёғадиган ёмғирлар сабаб сел ва тошқин ҳодисалари юзага келиши кутилмоқда. Сел ва тошқин хавфи қуйидаги вилоятларнинг тоғ олди ва тоғли ҳудудларида прогноз қилинмоқда:

Қашқадарё вилоятида — Яккабоғ, Деҳқонобод, Чироқчи, Қарши, Шаҳрисабз, Камаши ва Ғузор туманларида.

Сурхондарё вилоятида — Сариосиё, Узун, Олтинсой, Денов, Бойсун, Шеробод, Шўрчи, Қумқўрғон ва Музработ туманларида.

Самарқанд вилоятида — Ургут, Самарқанд, Булунғур, Нуробод, Қўшработ, Каттақўрғон, Паяриқ, Жомбой ва Иштихон туманларида.

Жиззах вилоятида — Заамин, Бахмал, Ғаллаорол, Шараф Рашидов, Фориш ва Янгиобод туманларида.

Тошкент вилоятида — Оҳангарон, Бўстонлиқ, Паркент, Пискент, Ўрта Чирчиқ ва Юқори Чирчиқ туманларида, шунингдек Ангрен ва Олмалиқ шаҳарларида.

Наманган вилоятида — Поп, Косонсой, Чортоқ, Чўст, Наманган ва Янгиқўрғон туманларида.

Фарғона вилоятида — Сўх, Фарғона ва Бешариқ туманларида.

Андижон вилоятида — Андижон, Асакa, Жалолқудуқ, Қўрғонтепа, Пахтаобод, Избоскан, Хўжаобод ва Марҳамат туманларида, шунингдек Хонобод шаҳрида.

Ушбу ҳудудларда яшовчи аҳолига, шунингдек дам олувчилар ва тоғли ҳудудларга сафар қилишни режалаштираётган ҳайдовчиларга эҳтиёт чораларини кўриш тавсия этилади.

Баъзи ҳудудларда ёмғир сувларининг тўпланиши ва шу сабабли ерларнинг сув остида қолиш хавфи мавжуд.