Ўзбекистоннинг захиралари март ойида 69 миллиард долларгача қисқарди

Тошкент, Ўзбекистон (UzDaily.uz) — Ўзбекистон Марказий банкининг олтин-валюта захиралари 2026 йил март ойи якунига кўра рекорд даража бўлган 77,1 млрд доллардан 69,0 млрд долларгача камайди.

Ойлик камайишга қарамасдан, биринчи чорак якунларига кўра захиралар 2,7 млрд долларга ошди, 2025 йил давомида эса уларнинг ўсиши 25,1 млрд долларни ташкил этди.

Март ойида захираларнинг валюта қисми 8,8 млрд доллардан 7,6 млрд долларгача камайди. Асосий пасайиш олтин қиймати ҳисобига тўғри келиб, у 6,8 млрд долларга камайиб, 60,9 млрд долларни ташкил этди.

Шу билан бирга, олтин захираларининг жисмоний ҳажми аксинча 13,1 млн трой унциядан 13,4 млн трой унциягача ошди.

Олтин захиралари қийматининг пасайиши жаҳон бозоридаги олтин нархларининг тушиши билан изоҳланади: London Fixing маълумотларига кўра, март ойида котировкалар 12 фоизга пасайиб, бир унция учун 4 554 доллардан ташкил этди.

Март ойида регулятор портфелидаги халқаро қимматли қоғозлар ҳажми 2026 йил бошидаги даражада — 1,5 млрд долларда сақланиб қолди. 2025 йил якунларига кўра, бу кўрсаткич 101,7 млн доллардан 1,5 млрд долларгача ошган эди.